एका कार्यकर्त्याची डायरी...
====================
संपत आली 'पानं' आणि
आत्ता लक्षात आलं...
उगाच यांच्या नादी लागलो
खरंच चुकलं सालं ।।
वय होतं, जोश होता
सारं होतं रंगात
नेता येणार म्हटलं तरी
भूत यायचं अंगात
संदल काय, नाचणं काय
दमून जायची माती
नेत्यासोबत फोटो म्हणजे
छप्पन इंच छाती
पण फ्रेम तोडून आत कधी
जाता नाही आलं..
उगाच यांच्या नादी लागलो
खरंच चुकलो सालं ।।
मस्तीत नारे लावायचे
सॉलीड गुर्मीत बघायचं
एकाएका समोशावर
दिवस दिवस जगायचं
माय कुठं, बाप कुठं
फरक नव्हता पडत
घर काय, दार काय
सारं गेलं उडत
बायकोचंही रडणं कधी
ऐकता नाही आलं...
उगाच यांच्या नादी लागलो
खरंच चुकलं सालं।।
ज्यांना होती अक्कल त्यांनी
आधी चंदा केला
जय भवानी- जय भीम
म्हणत धंदा केला
हवा पाहून जे जे आपला
मांडत गेले तिव्हा
त्यांच्या ............खाली खुर्ची
त्यांना लाल दिवा
आपल्या पोराला साधं आईस्क्रीम
देता नाही आलं
उगाच यांच्या नादी लागलो
खरंच चुकलं सालं।।😔😭😢😒
टिप्पण्या
टिप्पणी पोस्ट करा